Пиоли и Милан се договорија

Италијанскиот гигант Милан и тренерот Стефано Пиоли се договорија за продолжување на соработката, пренесува „Газета дело Спорт“.

Пиоли после седум години го врати Милан во Лигата на шампиони, тимот игра одлично и се бори за Скудетото, па раководството сака да го задржи тренерот.

Двете страни постигнале договор за продолжување на соработката до 2024 година, а според новиот договор Пиоли ќе заработува 3,5 милиони евра по сезона плус бонуси.

Италијанските медиуми пренесуваат дека следната недела ќе биде официјализиран новиот договор на тренерот.

#Calciomercato @acmilan – Rinnovo #Pioli: si attende l'arrivo di #Gazidis – #ACMilan #Milan #SempreMilan https://t.co/1y6fDYf3EY

— PianetaMilan.it (@PianetaMilan) November 16, 2021