Пикси: Одиме во Португалија по победа за директен пласман на Мундијал

Репрезентацијата на Србија го победи Азербејџан со 3:1 и обезбеди пласман на Светското првенство во Катар.

Во последното коло Србија ќе има прилика со Португалија да се бори за директен пласман на Мундијалот. Селекторот на Србија Драган Стојковиќ Пикси потенцираше дека тој сака директен пласман на СП.

„Не сум заинтересиран за калкулации, никогаш не сум бил. Од доаѓањето на селекторската позиција се концентрирав на на тимот и бев убеден дека до крај ќе бидеме во игра за пласман на СП. Кога ми кажаа дека се квалификувавме во баражот не бев многу заинтересиран. Одиме во Португалија по победа за прво место и директен пласман на СП“, изјави Стојковиќ.

Во овој момент Србија е на првото место со 17 бода, Португалија има 16 бода, но и натпревар помалку. Првата средба помеѓу Србија и Португалија во Белград заврши со 2:2.