Пикси е веќе бивши, се чека само официјална потврда

Селекторот на фудбалската репрезентација на Србија, Драган Стојковиќ Пикси ќе добие отказ, пренесуваат српските медиуми.

Откако „орлите“ не ја минаа ниту групната фаза и го завршија настапот без победа на ЕП, Федерацијата донела одлука да направи промена.

Србте се разочарани, а најголемите критики се токму кон Пикси, кој е посочен како најголем виновник за слабите резултати.

Стојковиќ со Србија има договор до 2026 година, па се очекува во наредните денови да биде договорена отштетата и официјално да биде потврден отказот.