Пике пречекан од „крвави“ и бесни лица во Мадрид: Редарите интервенираа за спречување на хаосот (Видео)

Хаос ја потресе Шпанија по референдумот за независност на Каталонија, а секако во центарот на вниманието е Џерард Пике.

Дефанзивецот на Барселона веќе неколку години наназад е најгласен кога е во прашање независноста на Каталонија, а вчера со солзи во очите најави дека постои можност да се повлече од репрезентацијата.

Денес беше закажан собир на репрезентацијата, а Пике посебно беше на удар на навивачите кои се собраа се чини поради тоа, да им испратат порака на каталонските навивачи.

По доаѓањето во фудбалскиот центар, навивачите го исвиркуваа Пике, а дополнително се ескалираше кога излегоа на прв тренинг.

Навивачите викаа: „Пике ѓубре, надвор од репрезентацијата“, додека беа забележани и транспаренти со натписот „Пике, Шпанија е твоја нација“.

Редарите мораа да реагираат, сите транспаренти беа повлечени, а навивачите беа предупредени да престанат да им скандираат негативно на репрезентативците.

Меѓутоа, од трибините, како и пред стадионот, се слушаа само навреди, а според информациите на тамошните медиуми, на удар од сите каталонски играчи бил единствено Џерард Пике.

PIQUÉ saltó al entrenamiento entre gritos de "fuera, fuera"
▶ https://t.co/yOe5KvwGUz pic.twitter.com/xV5HndWi3P

— MARCA TV (@MARCATV) October 2, 2017