Перу обезбеди бараж, Колумбија и Чиле останаа без пласман во Катар

Завршија јужноамериканските квалификации за пласман на Светското првенство во Катар, од претходно беа познати четири репрезентации кои директно се пласираа, а утрово и Перу го обезбеди 5-тото место кое обезбедува бараж.

Перу со 2:0 славеше против Парагвај, победата ја обезбедија Џанлука Лападула и Јошимар Јотун. Со овој триумф Перуанците го обезбедија петтото место и дополнителниот бараж место во Катар. Во баражот ќе играат против подобриот од натпреварот помеѓу ОАЕ и Австралија.

Чиле дома запиша пораз од Уругвај со 0:2 и уште еднаш потврди дека се далеку од славните денови, а победата на Колумбија од 1:0 против Венецуела немаше големо значење. Двете големи јужноамерикански селекции останаа без шанси да стигнат и до плеј-офот.

Во останатите натпревари Бразил победи со 4:0 во натпреварот против Боливија, додека Еквадор и Аргентина одиграа 1:1. Бразил и Аргентина своето учество на Мундијалот го имаа обезбедено од претходно.