Перез за Мбапе: Се надеваме до јануари се ќе биде решено!

Oткако францускиот „Л’Eкип“ го објави интервјуто со Мбапе во кое фудбалерот отворено зборува за желбата да замине се огласи и Флорентино Перез.

Првиот човек на Реал Мадрид не зборуваше премногу, кратко само најави дека ќе се обидат да го завршат трансферот во јануиари.

„Во јануари ќе има вести за Мбапе. До 1. јануари се надеваме се ќе биде решено“, краток и јасен беше Перез.

Се поизвесно станува дека до соработка помеѓу двете страни ќе дојде. Очекувањата се Реал да го договори Мбапе на зима, а следното лето да пристигне во Мадрид бесплатно.