Парондо: Одигравме одлично, клучни беа првите десет минути!

Тренерот на Вардар, Роберто Гарсија Парондо не го криеше задоволството од победата на своите избраници над Кристијанштад со 33:25.

Вардар супериорно го доби дуелот со Кристијанштад, а Парондо истакна дека клучни биле првите десет минути од натпреварот.

„Многу сум задоволен од моите играчи, одиграа многу добар натпревар, и што е најважно, дојдовме до победа. Им реков на играчите дека сите натпревари во Лигата на шампионите се силни, без разлика со кого играме. Овој пат мислам дека клучни беа првите десет минути и затоа после изгледаше лесно. Ќе се трудиме на секој натпревар да играме со полн интензитет во текот на сите 60 минути“, изјави Парондо.