Панчев: Лоши работи се случуваат во Вардар!

Фудбалската легенда и актуелен спортски директор на Вардар, Дарко Панчев даде интересно интервју за медиумите од соседството.

Панчев меѓу другото истакна дека моменталната состајба во Вардар е многу лоша, но дека очекува подобри времиња.

„Во моментов се случуваат работи кои апсолутно не се добри за Вардар. Сите промени не носат добри нешта, но кога е Вардар во прашање, како да му е пишано постојано да се случува нешто“.

„Јас и Илија Најдоски сме тука за клубот и секогаш сме подготвени да помогнеме. Доколку новите луѓе од Град Скопје сметаат дека можеме да имаме соработка, ние и во иднина им стоиме на располагање. Со нашето искуство сигурно можеме да му помогнеме на клубот“, истакна Дарко Панчев.

Засега нема никакви официјални информации какви планови ќе има Град Скопје со најтрофејниот македонски клуб, а познато е дека актуелниот сопственик Сергеј Самсоненко сака да се повлече од Вардар.