Падна и Португалија во финалето – македонските хокеари се враќаат со „пет од пет“!

Македонската хокеарска репрезентација вчера како и што играше во текот на целиот турнир, така и го одигра финалниот натпревар Португалија.

Нашите хокеари одлично не претставија на „Развојниот турнир“ во Фусен, Германија и во финалето ја совладаа Португалија со високи 9:3.

На овој турнир кој важи за неофицијално Светско првенство за држави без затворени хокеј арени Македонија забележа пет победи во пет натпревари.

Во групната фаза славевме против Ирска, Португалија и Андрора, за во полуфиналето повторно да ја победиме Андора и вчера по втор пат да славиме против Португалија.