Официјално: Јувентус го обнови договорот со светскиот шампион

Играчот за врска на Јувентус, Блас Матуиди останува во Торино уште една година, откако „старата дама“ ја искористи можноста да му го продолжи договорот.

Тоа го потврди самиот Матуиди, кој беше дел од француската репрезентација која го освои Светското првенство, а игра и важна улога во Јувентус.

Актуелниот договор му истекуваше на крајот на сезоната, но Јувентус имал опција автоматски да му го продолжи договорот на уште една година.

„Имаше таква клаузула и Јувентус ја активира. Никогаш не се сомневав во тоа. Овде чуствувам поддршка од сите во клубот“, изјави Матуиди.

Матуиди ја игра четвртата сезона во Јувентус и до сега има одиграно 118 меча за „старата дама“.