Официјално: Фајнл-фор на Евролигата ќе се игра во Белград

Белград официјално ја доби организацијата на завршниот турнир во Евролигата и така по четири години повторно ќе биде домаќин на фајнл-форот.

Првично завршниот турнир требаше да се игра во Берлин. Германците се откажаа поради епидемиолошките мерки, бидејќи се уште важи правилото натпреварите во сала да се играа без публика.

„Белград во овој момент беше најдобра алтернатива за Берлин. Им должиме голема благодарност на владата на Србија и на градот Белград. Очекувам епидемиолошката ситуација да дозволи да имаме спектакуларен турнир“, изјави првиот човек на Евролигата, Жорди Бартомеу.

Белград 2018 беше повеќе од успешен домаќин на фајнл-форот и има искуство во организирање големи настани.

Полуфиналните натпревари ќе се играат на 19 мај од 18 и 21 часот, додека финалето ќе се игра на 21 мај од 19 часот.