Официјално претставен: Пристигна долгоочекуваното засилување во Интер

Лисандро Лопез успешно ги мина лекарските прегледи, а потоа и официјално беше претставен како нов играч на Интер.

Аргентинецот во Интер ќе игра на позајмица до крајот на оваа сезона, но италијанскиот клуб ќе има можност да го купи неговиот договор потоа.

„Интер со задоволство сака да соопшти дека Лисандро Лопез е нов играч на нашиот клуб. Дојде на позајмица до крајот на сезоната, а нашиот клуб ќе има можност да го откупи неговиот договор. Време е за нови авантури со Нероаѕурите, добредојде во Интер Лисандро“, стои во соопштението на клубот од „Меаца“.