Oткако во текот на вчерашниот ден Пелистер го потврди заминувањето на Андреас Нилсон денеска официјално заминува и уште еден Данец, Каспер Кисум.
РК Еурофарм Пелистер и данскиот интернационалец Каспер Кисум постигнаа спогодба за раскин на соработката. Во новата 2024 година еден од хероите од сезоната 2022/23 ќе настапува за друг клуб. 31-годишниот лев и среден бек остави силна трага во дресот на нашиот клуб и има големи заслуги за освојувањето на титулата минатата сезона.
Данска vs. Македонија: Како тие се справуваат со отпадот, додека ние се расправаме кој е крив?
Кисум во првиот дел од сезоната постигна 12 голови во Лигата на шампионите, а редовно го носеше зелено-белиот дрес и во Суперлигата. Со неговата професионалност и неспорен квалитет клубот доби големи придобивки во неговиот едногодишен престој во Битола и вратите од нашиот клуб секогаш ќе бидат отворени за Каспер Кисум.
РК Еурофарм Пелистер му посакува приватни и професионални успеси на Каспер Кисум.
Учество во игри на среќа е дозволено за лица со 18+ години. Играј одговорно!