Откриени детали од првата понуда на Реал за Азар!

Реал Мадрид ги направи првите конкретни чекори во преговорите со Челзи околу купувњето на Еден Азар, а „Скај Спорт“ ги откри деталите од понудата.

Имено, првата понуда на „кралевите“ за Белгиецот изнесувала 60 милиони фунти, а истата експресно била отфрлена од лондонскиот клуб.

Во Мадрид знаеле дека од Лондон ќе пристигне негативен одговор на оваа понуда, но официјално започна проверувањето на „пулсот“ од страна на „кралевите“.

„Кралскиот“ клуб на овој начин ја стави управата на „сините“ под сериозен притисок поради забраната за регистрација на играчи на клубот од „Стемфорд Бриџ“ до јуни 2020 година.

Ова значи дека во случај Азар да замине не би можеле да доведат негова адекватна замена. Сепак, друг проблем е желбата на Белгиецот да заигра во Мадрид и неговиот договор кој истекува на лето во 2020 година.

Според тоа, ова ќе биде последна шанса за Челзи да заработат од продажбата на Азар.

https://youtu.be/qUnJkmXQBoU