Островските медиуми ги шокираа навивачите на Јунајтед: Еден од клучните играчи заминува во Турција

Играчот за врска на Манчестер Јунајтед е мета на турскиот шампион, пренесуваат островските медиуми.

Бешикташ во своите редови го посакува Маруан Фелаини. Белгискиот репрезентативец има важечки договор со Манчестер Јунајтед до крајот на сезоната, а со оглед на тоа дека нема индиција да биде продолжен, претстојната зима е последната шанса за „Ѓаволите“ да заработат од неговата продажба.

Мурињо летово го донесе својот миленик, Немања Матиќ, репрезентативецот на Србија и Пол Погба се во предност во однос на Фелаини, иако тој оваа сезона добиваше можеби повеќе минути од очекуваното, со оглед на тоа дека Французинот е надвор од тимот поради повреда.

„Црните Орли“ од Истанбул веќе стапија во контакт со неговиот брат и агент, Мансуро, а турските медиуми потсетуваат дека Фелаини е на листата желби и на Галатасарај.

Давид Мојес го поведе Фелаини со себе на „Олд Трафорд“ од Евертон во 2013. година, платен е 27,5 милиони фунти и тоа е еден од најкритикуваните трансфери на Јунајтед во последно време. Одигра досега 141 официјален меч за „Ѓаволите“, постигна 19 погодоци и освои четири трофеи.