Ова е причината зошто Алегри не добива отказ во Јувентус

Поранешниот спортски директор на Рома, Џанлука Петраки, објасни зошто Јувентус нема да го отпушти Алегри и покрај слабата игра на тимот во последно време.

Алегри е под притисок бидејќи и навивачите сакаат промени во клубот.

„Три години зборуваат дека ќе замине, а на крајот сепак го почитуваат неговиот договор. Мислам дека ќе остане и овој пат, бидејќи има многу богат договор. Ако замине, тоа значи дека Јувентус ќе мора добро да плати, а тоа е тренер кој го чини 7 милиони евра нето годишно“, изјави Петраки.

Според Петраки единствниот начин Алегри да замине е да се појави клуб кој сака да го доведе.

„Има еден начин, а тоа е да се појави друг тим или репрезентација, некој кој ќе ги даде тие пари на Алегри, но мислам дека е многу тешко. Мислам дека ќе биде тешко Јуве да остане без Алегри, особено затоа што тие ќе мора добро да плати и за следниот тренер затоа што не би сакале да доведат било кого“, смета Петраки.