Објавено како ќе изгледаат тренинзите во Рома во време на корона

Рома во четврток и официјално ќе започне со тренинзи во групи, но тие тренинзи нема да бидат исти како оние во нормални услови.

Италијанската влада им дозволи на клубовите да се вратат на тренинзите, а Рома денес прави тестирања за од утре да се започне со процесот на тренинг.

Во медиумите денес ги објавија правилата според кои ќе работат играчите.

Фудбалерите ќе тренираат во групи, но нема да имаат право на топка, ниту пак ќе можат да ги користат затворените објекти како што се теретаните и соблекувалните. Ќе работат само атлетски и строго на отворено. Исто така нема да биде дозволено туширање.

На тренинзите ќе мораат да доаѓаат во клупска опрема и спремни за тренинг, значи нема да има пресоблекување во тренинг центарот. Нормално ќе се избегнува и секаков близок контакт.