Ноќна мора за Кралевите, се повреди и Лука Модриќ

Реал Мадрид синоќа доживеа тежок пораз во пријателскиот натпревар од Атлетико Мадрид со 7:3.

Кралскиот клуб доживеа вистинска бламажа против градсиот ривал и еден од најтешките порази во историјата. Реал Мадрид едноставно не личеше на тим, а дополнителни проблеми за Зидан е се подолгата листа на повредени играчи.

Против Арсенал тешка повреда заработи Марко Асенсио, кој најмалку пола година ќе биде надвор од терените, а синоќа се повредија уште двајца играчи на Реал.

Во 30. минута теренот го напушти Лука Јовиќ, а кон средината на вториот дел играта мораше да ја напушти Лука Модриќ. Според првичните информации Јовиќ е сериозно повреден и го чека подолга пауза, а за Модриќ се уште нема информации.

Како што пренесува Марка, Модриќ после еден час игра се пожалил на болки во коленото и побарал замена. Денеска ќе бидат извршени дополнителни прегледи со што ќе се утврди тежината на повредата.