Новото засилување на Ливерпул, Такуми Минамино, нема да може да го направи своето деби во денешниот натпревар во Премиер лигата против Шефилд Јунајтед.
Сепак, Јапонецот може да дебитира во дресот на својот нов клуб во Мерсисајд дербито, во дуелот помеѓу Ливерпул и Евертон во третата рунда од ФА купот – најави тренерот на Црвените, Јирген Клоп.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Инаку, Минамино не може да го направи своето деби за Ливерпул против Шефилд Јунајтед бидејќи правилата на Премиер Лигата забрануваат настап во 21. коло на сите играчи кои официјално ги засилуваат клубовите во првите два дена од зимскиот преоден рок.
Минамино, кој пристигна на „Енфилд“ од Салзбург, ќе мора да почека, но можеби само до недела.
„Тој ќе биде во комбинација за натпреварот со Евертон.“ – изјави Клоп на последната прес-конференција.
Натпреварот во ФА Купот помеѓу Ливерпул и Евертон се игра в недела на „Енфилд“, со почеток во 17:01 часот.
Учество во игри на среќа е дозволено за лица со 18+ години. Играј одговорно!