Нкунку потпиша преддоговор со Челзи, познати деталите

Челзи го договори трансферот на ѕвездата на Лајпциг, Кристофер Нкунку, кој ќе пристигне на „Стенфорд Бриџ“ следното лето.

Нкунку веќе ги минал лекарските прегледи во Франкфурт и ќе пристигне во Челзи на крајот на сезоната, односно во јуни 2023 година.

Нкунку веќе потпишал преддоговор со Челзи, а „сините“ се согласиле со Лајпциг да платат нешто повисока сума од откупната клаузула.

Нкунку во договорот има откупна клаузула од 60 милиони евра, а Челзи се согласил да плати неколку милиони повеќе за да ја победи конкуренцијата.

Нкунку минатата сезона беше најдобар фудбалер во Бундеслигата и го привлече вниманието на многу европски гиганти, но сепак реши да остане уште една сезона во Лајпциг.

Челзи не сакаше да губи време и успеа да ја победи конкуренцијата, па договори големо засилување за следната сезона. 

🚨 Christopher Nkunku understood to have signed pre-contract agreement to join Chelsea next summer + #CFC have committed to pay above €60m release clause to secure 24yo now
➕ Range or 2nd-round meetings this week for sporting director role@TheAthleticUK https://t.co/YJYNet86SX

— David Ornstein (@David_Ornstein) October 3, 2022