Никогаш не би погодиле кој е најпребаруван спортист за 2023 година

Кристијано Роналдо и Лионел Меси во изминатите години доминираа во светскиот фудбал, па и воопшто во спортот, а иако сега и двајцата не се во Европа се уште знаат да привлекуваат внимание, секако не како некогаш.

Но, како еден доказ дека се уште не „заминале“ е податокот на „Гугл“ дека Интер Мајами, тимот каде што замина Меси е најпребаруван спортски тим изминатата година, додека Ал Наср на Роналдо е трет на оваа листа.

На листата на најпрабрувани спортисти најголемото изненадување е на првата позиција каде што се наоѓа Дамир Хамлин кој е играч на американски фудбал од редовите на Бафало Билс. Ретко кој од Европа слушнал за него, меѓутоа очигледно е и тоа како популарен. Хамлин во јануари годинава доживеал срцев удар на терен, а подоцна успеал да се врати на терените.

Веднаш зад него е француската ѕвезда од редовите на ПСЖ, Килијан Мбапе, додека на третата позиција доаѓа уште еден играч од НФЛ лигата, Трејвис Келси од Канзас Сити. Место во топ 5 имаат уште НБА кошаркарот од Мемфис, Џа Морант и напаѓачот на Баерн Минхен Хари Кејн.

Зад првата петорка е српскиот тенисер Новак Ѓоковиќ за кого 2023 година беше една од најдобрите во неговата кариера. Ѓоковиќ играше во финалето на четири грен-слем турнири и победи на дури три. Неговиот најголем ривал во овој момент Карлос Алкараз е на шестата позиција.

Помеѓу спортските тимови како што споменавме првото место му припадна на Интер Мајами на Меси, на второто се ЛА Лејкерс, а на третото Ал Наср на Кристијано Роналдо, европскиот шампион Манчестер Сити е четврти.