Даночната управа во Шпанија денеска објави листа на даночни должници кои и должат на земјата повеќе од 1 милион евра, а на неа се најде и најскапиот фудбалер на светот, Нејмар.
Според извештајот Нејмар на име на неплатени даноци, камати и пенали на Шпанија и должи нешто повеќе од 34 милиони евра, заклучно со 31 декември 2019 година.
Дерби на Манчестер: Да се види кој е полош!? ↓↓↓
Нејмар во Шпанија играше за Барселона од 2013 до 2017 година по што во рекорден трансфер вреден 222 милиони евра премина во ПСЖ.
Нејмар беше под истрага на шпанските власти поради затајување на данок уште минатата година, а доколку наскоро не ги подмири долговите, му се заканува заплена на имот.
Сето ова драстично ги намалува шансите за негово враќање во Барселона и воопшто во шпанскиот фудбал.
Во неговиот роден Бразил, државата го тужи за долг од 25 милиони долари данок, но Бразилецот успеа да го добие процесот и да докаже дека заработува пари во други земји и дека од него не се бара да плаќа данок во Бразил.
Учество во игри на среќа е дозволено за лица со 18+ години. Играј одговорно!