Нејмар е сериозен: Испрати тужба до Барселона – Си ги сака ветените пари!

Нејмар испраќаше закани до Барса, во Каталонија до овој момент ги игнорираа, но Бразилецот покажа дека е сериозен во својата намера.

Како што е познато Нејмар минатото лето со трансферот во ПСЖ стана најскапиот фудбалер во историјата (222 милиони евра).

Веќе пишувавме и добро познато е дека во договорот со Барселона Нејмар имаше клазула според која доколку остане член на Барса до 1 август треба да добие 26 милиони евра. Нејмар трансферот во ПСЖ го направи неколку дена по истекот на оваа клазула и сега си ги бара парите.

Барселона до сега одбиваше да му ги плати, па според информациите на „Ел Мундо“ најскапиот фудбалер и официјално ги тужел Каталонците.

Од друга страна пак Барса достави исто така тужба според која тие веруваат дека Бразилецот прекршил неколку точки од договорот.