Нестор: Сега ќе биде полесно на гости, очекувам 4-5 гола до крај на сезона

Во изјава за италијанските медиуми Илија Несторовски порача дека се надева на повеќе минутажа по рестартот на сезоната во Италија.

Несторовски смета дека тоа што ќе има пет измени и згуснатиот распоред ќе биде причина да има поголема минутажа.

„Сега доаѓаме во нова ситуација. До крајот на сезоната имаме уште 12 натпревари и 5 измени. Ова значи дека голем дел од фудбалерите ќе добиваат поголема минутажа. Лично се чувствувам добро, работев за време на паузата, а сега ќе работиме колективно. Постигнав гол на тренинг натпреварот вчера. Имам самодоверба и очекувам барем 4-5 гола до крајот на првенството. Сега на гостински терен ќе бие полесно затоа што ќе ја нема публиката која е важен фактор“, изјави Несторовски.