Несторовски: За мене Македонија е над се, се извинувам на секој кој мислеше дека зборовите се за јавноста!

Maкедонскиот напаѓач Илија Несторовски со официјално соопштение се огласи за неговата прослава која предизвика бура од реакции во јавноста.

Несторовски се извини на јавноста и уште еднаш потенцираше дека навредата не била за оние кои го критикуваат.

„Се извинувам на секој што сметаше дека зборовите се упатени на јавноста. Не се упатени на јавноста, но како што веќе реков, на одредени луѓе. Не го направив тоа под притисок од публиката или од резултатот, туку го направив со студена глава. За мене, Македонија е над сè! Јас гордо ја носев лентата како Македонец во Хрватска и Италија, и сите знаете што значи тоа! И секаде ја претставував Македонија најдобро што можам, бидејќи тие не ја даваат лентата како странец лесно! Како може некој тогаш да помисли дека им се обраќам на сите критичари додека ја имам лентата во тој момент! Беше за поединци“, oбјасни Несторовски.

Нашето гледање на ситуацијата можете да го прочитате – тука.