Нема виза, нема вложувања: Абрамович ја стопираше изградбата на новиот стадион

Челзи денес преку официјално соопштение потврди дека ја стопира изградбата на нов стадион, а како причина ја наведе „тековната неповолна инвестициска клима“.

Новиот стадион на Челзи требаше да има 60.000 седишта и да чини една милијарда фунти, но барем засега неговата изградба е стопирана.

Оваа одлука доаѓа само неколку дена откако сопственикот на Челзи, Роман Абрамович, не му беше продолжена визата за престој во Велика Британија. Рускиот милијардер потоа побара израелско државјанство кое ќе му овозможи да престојува на Островот 6 месеци.

Абрамович не сака да инвестира во голем проект во земја каде што не му е дозволено да живее.

Стадинот требаше да биде готов до почетокот на сезоната 2023/24, но од клубот сега потврдија дека проектот е „замрзнат“.

Chelsea Football Club announces today that it has put its new stadium project on hold…

More: https://t.co/KelXpy9zgP pic.twitter.com/mofiocesAo

— Chelsea FC (@ChelseaFC) May 31, 2018