Негови се, па најдобри се: Ова се најдобрите тројца играчи од средниот ред за Анчелоти

Tренерот на Реал Мадрид Карло Анчелоти избра три најдобри играчи за врска.

Меѓутоа, сите тројца играчи кои ги избра Анчелоти се од Реал Мадрид. За него тие се најдобри во светот.

„Модриќ, Крос и Касемиро се најдобри играчи во средниот ред, имаат многу искуство и фантастични фудбалери се. Освен тоа, многу добро се надополнуваат и кога се заедно на теренот никој не може да се споредува со нив“, изјави Анчелоти за „АС“.

Италијанскиот тренер го пофали францускиот напаѓач, Карим Бензема.

„Карим е одличен напаѓач, тој е комплетен и секогаш знае да го најде патот до мрежата. Може да се спореди со Роналдо или Халанд. Бензема е играч кој прави разлика“, истакна Анчелоти.

Нема сомневање дека се работи за одлично фудбалери, меѓутоа тешко дека овие изјави на Анчелоти изгледаат објективно, затоа што избра играчи само од својот тим.