Невил искрен: Манчестер Јунајтед не е ниту блиску до Сити и Ливерпул

Легендарниот фудбалер на Манчестер Јунајтед, Гери Невил како и на секој навивач на „црвените ѓаволи“ не му е сеедно поради поразот во градското дерби на „Етихад“.

Манчестер Јунајтед помалку или повеќе со леснотија го победи најголемиот ривал со 3:1, а Невил смета дека тоа е само реален одраз на ситуацијата во Англија овој момент.

„Да бидам искрен, Јунајтед не е ниту блиску до Сити и Ливерпул. Најголем проблем за Јунајтед во овој момент е што мислат дека се приближиле до водечките тимови кои се борат за титулата. За жал, ние во овој момент сме на пониско ниво“.

„Манчестер Јунајтед е клуб кој секогаш мора да има за цел да освојува титули, но ако сакате да мислите на тоа, треба да ги имате пополнето сите позиции на теренот. Нема шанси оваа одбрана да издржи да не прими гол. Средниот ред не може да ја проследи топката напред, а напаѓачите ја немаат прецизноста на нивните колеги од Сити и Ливерпул“.

„На секој дел од теренот Јунајтед заостанува зад водечките тимови, така да нема смисла да ги споредуваме. Јунајтед веднаш може да заборави на титулата оваа сезона, ќе повторам не сме ниту блиску до двата водечки тима“, изјави Невил.