Неапол слави: Мертенс стави потпис на нов договор!

Конечно заврши сагата за Дрис Мертенс. Миленикот на навивачите реши да остане во Наполи и да потпише нов договор.

Иако изгледаше дека Мертенс е многу блиску до Интер откако медиумите во Италија пишуваа дека овој клуб му понудил договор на две години вреден 14 милиони евра, сепак реши да остане во Наполи.

Неговиот договор истекуваше ова лето, но Мертенс на крајот реши да му остане верен на Наполи и ја прифати понудата за нов договор. Белгиецот стави потпис на двегодишен договор со опција за продолжување на уште една година.

Според новиот договор Мертенс ќе заработувал 4 милиони евра по сезона, плус бонуси кои се однесуваат на неговата игра и клупски резултати.

Сезонава Белгиецот одигра 29 натпревари за Наполи и постигна 12 голови, додаде и шест асистенции.

Dries Mertens will sign a new contract with Napoli: confirmed and here we go! Total agreement reached until June 2022. Paperworks time between the club and Mertens lawyers. He decided to stay – refused Chelsea bid some weeks ago. Official announcement soon.? @SkySport #transfers

— Fabrizio Romano (@FabrizioRomano) June 5, 2020