НБА го објави пресекот од гласовите за „Ол-Стар“: Дончиќ со најмногу гласови!

Љубителите на кошарката со нетрпение го очекуваат 16. февруари кога во Чикаго ќе се игра „Ол-Стар“ натпреварот.

Гласањето за „Ол-Стар“ викендот веќе започна на официјалната стана на НБА, а повторно ќе гледаме натпревар на Западот и Истокот. НБА сега направи пресек и ги објави моменталните гласови на кошаркарите.

До пресекот најмногу гласови добил неверојатниот Лука Дончиќ кој игра во животна форма. Дончиќ освоил 1.073.957 гласови и зад себе го остави Јанис Антетокумпо за кого гласале 1.073.358 фанови.

На третото место е Леброн Џејмс со 1.020.851 гласови, додека неговиот соиграч Ентони Дејвис доби 955.246 гласови.