НБА го казни Јокиќ за инцидентот со газдата на Феникс

НБА лигата го казни Никола Јокиќ за инцидентот во четвртиот натпревар од полуфиналната серија во плеј-офот на Западот против Феникс.

Во втората четвртина на таа средба српскиот центар влезе во дуел со сопственикот на Феникс, Мет Ишбија, се споменуваше можност да биде суспендиран, но тоа не се случи.

НБА лигата Јокиќ го казни само финансиски со сума од 25.000 долари и Јокиќ ќе има право на настап во петтиот натпревар од серијата која во овој момент е изедначена (2:2).

Ќе потсетиме, Јокиќ сакаше да ја забрза играта и дојде до аут-линијата каде што сопственикот на Санс малку ја задржа, па Јокиќ го турна.