На еден месец пред натпреварот со нас претседателот на ФС Косово оди во затвор!

Апелациониот суд во Приштина ја потврди казната на претседателот на Фудбалската федерација на Косово Агим Адеми.

Адеми доби казна затвор од девет месеци откако во 2012 година принудил вработен во општината на Приштина да му плати 30.000 евра или да му купи нов автомобил во замена за фалсификувани документи за работа со недвижнини.

Агим Адеми прв човек на фудбалот во Косово стана во Јули 2018 година кога го наследи Фафил Вокри.

Овој потрес во сојузот на Косово доаѓа на еден месец до плеј-оф натпреварот за пласман на Европското првенство кој ќе го играме против Косово на 26. март во Скопје.