Најубавата спортска слика ни пристигнува од Италија – Михајловиќ е чудо! (ФОТО)

Синиша Михајловиќ во изминатата неполна година ја водеше најтешката битка, храбро се бореше со леукемијата и паралелно со тоа не се откажа од работата, цело време беше покрај Болоња која ја спремаше и од болницата.

Неодамна пристигна одлична вест дека Михајловиќ од оваа битка излегува како победник, а неговото враќање малку го успори пандемијата со коронавирусот поради што мораше да мирува уште некое време.

Сега кога клубовите во Италија добија дозвола да излезат и да тренираат Миха повторно го воодушеви светот.

Без оглед на што помина тој и понатаму има „глад“ за фудбал, а Болоња на Инстаграм откри дека вчера Михајловиќ тренирал со своите играчи.