Најреномираниот француски медиум тврди: Антонио Конте пристигнува во Париз!

Утрово на насловната страница на „Л’Екип“ се појави вест дека ПСЖ го доведува тренерот на Челзи, Антонио Конте на местото на Унаи Емери.

Реномираниот француски медиум тврди дека скоро сигурно Италијанецот на крајот од сезоната ќе го напушти Челзи и ќе го превземе ПСЖ. Се наведува дека први разговори помеѓу Џанлука Конте, братот на италијанскиот стручњак и првите луѓе на „светците“ веќе постоеле, како и дека тој во вторник ќе пристигне на преговори во Париз.

„Л’Екип“ пишува и дека заедно со Конте ПСЖ ќе направи и ремонт на тимот, односно ослободување од „вишокот“ и доведување нови фудбалери кои би можеле да го подигнат квалитетот на играта.

Но, можеби играчите и не се толкав проблем. Во 180 минути против Реал Мадрид францускиот шампион покажа навистина малку, но најмногу поради тоа што Зинедин Зидан тактички го декласираше Унаи Емери за кого никој не верува дека ќе го води овој тим и наредната сезона.

DAILYMAIL
PSG 'make contact with Antonio Conte over replacing Unai Emery'
https://t.co/7yxpwFIf2K

— Chelsea FC RSS Feeds (@CFCrss) March 8, 2018