Надал: Тешко е да се победи Ѓоковиќ

Вториот тенисер во светот полека се спрема за новата сезона во која како што самиот признава најтежок противник ќе му биде Новак Ѓоковиќ.

Ѓоковиќ во октомври го смени Шпанецот на врвот на АТП табелата кој последниот дел од сезоната го пропушти поради повреда.

Шпанецот е спремен наскоро да заигра на егзибициониот турнир во Абу Даби каде што ќе игра и Ѓоковиќ.

„Новак уште еднаш докажа колку може да биде тежок противник. Во 2018 година успеа да се врати врвот и против него е тешко да се игра, а уште потешко да се победи. Нашите натпревари секогаш се со полн интезитет, но тој е тенисер кој одлично го покрива целиот терен. Дефинитивно е еден од најтешките ривали кои сум ги имал до сега“, изјави Надал.