Надал со револуционерен предлог: Тенисот би можел да претрпи голема промена!

Шпанскиот тенисер Рафаел Надал го изгуби првото место на АТП листата откако во Париз го предаде мечот против Фернандо Вердаско поради повреда.

Веќе неколку пати Надал во јавноста зборуваше за овој проблем, а во последното интервју проговори и на една интересна тема.

Имено, Шпанецот ја критикуваше насоката во која оди тенисот и предложи да се промени едно од поважните прваила – сака укинување на вториот сервис.

„Тенисот оди во погрешна насока. Играчите се се посилни, а ако во следните години не пронајдеме добро решение, се плашам дека овој спорт ќе се основа на силината и на сервисот. Тоа може да биде опасно“.

„Сега немам некоја конкретна идеја, но не би било лошо доколку би се укинал вториот сервис“, изјави Надал.

Врвот на светскиот тенис веќе некое време разгледува предлози за овој спорт да го направи поинтересен, но засега ниту еден експеримент не се покажа како успешен.