Награда за добрите игри: Санчо доби двојно повисока плата!

Раководството на Борусија Дортмунд е спремно да го „награди“ Џејдон Санчо со нов договор и двојно зголемување на платата.

Според „Билд“ 19-годишниот талент со новиот договор годишно ќе добива 6 милиони евра по сезона. Меѓутоа, зголемувањето на платата нема да биде поврзано со продолжување на договорот, кој истекува во 2022 година.

Раководството на Борусија ќе се обиде да го убеди Санчо да потпише нов договор пред почетокот на Европското првенство следната година. Сега клубот само му ја зголеми платата бидејќи се задоволни од неговите настапи.

Интересот за Санчо е огромен, ова лето играчот беше на мета на клубовите од Манчестер и Баерн Минхен, но „милионерите“ успеаа да го задржат во своите редови.