Мустафи нов соиграч на Барди во Леванте

Шкодран Мустафи кариерата ќе ја продолжи во Леванте кај нашиот Енис Барди.

Поранешниот играч на Арсенал, Валенсија, Шалке, Сампдорија, Евертон и Хамбургер остана без клуб откако го раскина договорот со Шалке, па како слободен играч се приклучи на шпанскиот тим.

Мустафи со Леванте се договори за соработка на две години и можност за продолжување на уште една.

Инаку, фудбалерот кој настапуваше за германската репрезентацијата е роден во Гостивар. Неговата кариера во последните години оди во надолна линија.