Мурињо ја признава грешката – го враќа Депај во Јунајтед

Англиските медиуми пренесуваат дека Манчестер Јунајтед сака да ја исправи грешката и да го врати Мемфис Депај на „Олд Трафорд“.

Депај пристигна на „Олд Трафорд“ како големо засилување од ПСВ во 2015 година, но кога пристигна Мурињо на клупата воопшто не му даде шанса и даде зелено светло за негова продажба.

Холанѓанецот се пресели во Лион за 16 милиони фунти и блеска во дресот на францускиот клуб. Минатата сезона постигна 22 гола, а оваа сезона продолжи со добрите партии.

За него интерес покажуваат многу европски гиганти, но „црвените ѓаволи“ го имаат правото први да преговараат за негов трансфер од Лион, а Мурињо сака да ја искористи таа опција и да го врати на „Олд Трафорд“.