Паоло Дибала во понеделникот се збогуваше со навивачите и наредната сезона нема да го носи дресот на Јувентус. Засега не е познато каде Аргентинецот ќе ја продолжи кариерата, а како една од опциите се појави Рома.
Во претходниот период Интер се истакнуваше како фаворит за потписот на Дибала, а се споменуваа уште Тотенхем, Арсенал и Атлетико Мадрид. Меѓутоа според последните информации Жозе Мурињо се обидува да го убеди Дибала да ја избере Рома.
Пред дербито, падна најважниот потпис во Манчестер Сити! ↓↓↓
Иако во медиумите Интер важи за фаворит, сепак се појави и изјава на Дибала во која порачува дека нема никогаш да потпише за „нероаѕурите“ поради ривалството со Јувентус.
Рома не може да му понуди на Дибала настап во Лигата на шампионите, меѓутоа „Ла Република“ наведува дека соработката со Мурињо е главниот адут на „волчицата“. Не е познато дали барањата на Дибала можат да бидат проблем за Рома, а олеснителна околност за италијанскиот клуб е што Аргентинецот би пристигнал без оштетување како слободен фудбалер.
Учество во игри на среќа е дозволено за лица со 18+ години. Играј одговорно!