Мурињо во свој стил: Ме отпуштија затоа што го направив невозможното

Португалскиот стратег Жозе Мурињо се уште е без ангажман откако доби отказ во Рома, а во јавноста знае да излезе со изјави за неговиот период во Рим.

Мурињо во неговата прва сезона во Рома на овој тим го донесе трофејот во Конференциската лига, додека во втората ја однесе Рома до финалето во Лигата на Европа. Во третата на крајот сепак доби отказ.

„Некои работи се прават како нормални последици на одредена ситуација. Колку помалку услови имате, толку поголема е заслугата кога ќе победите. За Рома беше невозможно да дојде до две европски финалиња и јас тоа го направив, а третата година ме отпуштија“, изјави Мурињо.

Кога во прашање е неговата иднина во последниот период Мурињо се поврзуваше со враќање на фудбалот и тоа во турските гиганти Бешикташ и Фенербахче.