Мојсовски назначен за претседател на РК Струга

Некогашниот македонски интернационалец, Наумче Мојовски е назначен за нов претседател на РК Струга.

„Чест ми е што го преземам раководството на РК Струга, по денешното собрание. Овде започнав со ракометот. Целта на клубот е најпрво да се вратиме во Суперлигата и барам поддршка од сите фанови на нашиот тим“, истакна Мојсовски.

Мојсовски се повлече од професионалното играње ракомет пред две години, а покрај македонската репрезентација, Мојсовски настапуваше за Пелистер, Металург, Ла Риоха и ЧСМ Букурешт.