Алваро Мората вчера и официјално стана нов играч на Јувентус.
Една од главните цели на Јувентус во овој преоден рок беше доведување на напаѓач, на крајот клубот се реши да го врати Алваро Мората од Атлетико Мадрид.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Според постигнатиот договор Јувентус за едногодишна позајмица на Мората на Атлетико ќе му плати 10 милиони евра, а на крајот од сезоната ќе има опција и да го откупи договорот на Шпанецот за 45 милиони евра.
Мората по потписот на договорот се обрати и до фановите.
„Двете мои претходни години во Јувентус беа одлични. Дојдов тука како момче, а заминав како вистински фудбалер. Моќта на Јувентус е што функционира како семејство, заедно сме и во победите и во поразите“, изјави Мората.
Во периодот додека беше во Јувентус Мората со овој клуб освои две Скудета и играше финале во Лигата на шампионите во кое Јувентус загуби од Барселона со 3:1.
Учество во игри на среќа е дозволено за лица со 18+ години. Играј одговорно!