Можно е целосно сопирање на продажбата на Манчестер Јунајтед

Многу реална е можноста семејството Глејзер да го прекине процесот на продажба на Манчестер Јунајтед, тврди „Сан“.

Вчера се појави вест дека преговорите со кандидатите-купувачи ќе започнат денес. Меѓутоа, понудите кои присигнаа се далеку од сумата од 6 милијарди фунти, колку што бара Глејзер.

Медиумите пишуваат дека сите шестмина браќа и сестри во семејството Глејзер имаат различно мислење и не се едногласни за продажбата на клубот.

Во меѓувреме клубот ги подобри резултатите, готово сигурно следната сезона ќе игра во Лигата на шампиони, па цената ќе порасне.

Поради тоа медиумите на Островот информираат дека големи се шансите процесот на продажба да биде стопиран во наредните денови.