Модриќ за Мбапе: Реал Мадрид е над секој фудбалер

Лука Модриќ во интервјуто за „Јутарњи лист“, говореше за одлуката на Килијан Мбапе да го одбие Реал Мадрид и да остане во ПСЖ.

Модриќ потврди дека сите во Реал верувале дека ќе пристигне Мбапе, но тврди дека никој играч не е поважен од клубот.

„Мбапе го одлучи она што го одлучи и тоа е негово право. Мбапе донесе одлука и мора да живее со одлуката која ја донесе. Сите мислевме дека ќе дојде кај нас, но на крајот не испадна така. Не може да му се суди, тој е фантастичен играч. Сепак, јас секогаш го велеам истото, никој не е поважен од еден клуб. Реал Мадрид е поголем од сите, Реал Мадррид е над сите и над секој фудбалер“, изјави Модриќ.

Навивачите на Реал му замерија на Хрватот што го побара дресот на Мбапе во првиот дуел со ПСЖ, но Модриќ сега објасни дека тоа го направил за да го подари на детето од пријателот Домогој Вида.