Минатото лето бараа 80 милиони, а сега Заха може да си оди за 30 милиони

Кристал Палас е спремен да се раздели со својата најголема ѕвезда Волфред  Заха за „само“ 30 милиони фунти, пренесуваат медиумите на Островот.

Пред само една година Кристал Палас за слобата на Заха бараше 80 милиони фунти и одби две понуди од 50 и 55 милиони од Арсенал и Евертон.

Самиот играч сакаше да си оди уште минатото лето, а сега веќе го извсстил раководството дека бара нов клуб.

Интерес за крилниот фудбалер покажуваат Челзи и Евертон, а медиумите потенцираат дека сумата за Манчестер Јунајтед може да биде уште пониска.

Имено, „црвените ѓаволи“ според договорот треба да добијат 25% од следната продажба на играчот, па би можеле да го вратат на „Олд Трафорд“ за 22,5 милиони фунти.

Таква клаузула била ставена во договорот помеѓу двата клуба во 2015 година.