Maкедонија овие денови живее во духот на одбојката откако одбојкарите со стартните две победи речиси и да го обезбедија осминафиналето.
Иако може да се каже дека 99% сме во осминафиналето, сепак селекторот Јошко Миленковски порачува да не се застане тука.
Како е да се биде професионален Counter-Strike играч! ↓↓↓
„Игравме против најдобрите на планетата. Сепак, треба да го заборавиме овој пораз и да се фокусираме на следниот натпревар. Целта ја остваривме, се пласиравме во осминафиналето, освен ако нема некое чудесно црно сценарио. Одиме на победа против Холандија и Чешка, во обид да ја избегнеме Италија во осминафиналето“, кажа Миленковски.
Вчера по двете победи на стартот нашите одбојкари беа поразени од Полска, која е можеби и најсилната селекција во светот во овој момент.
Натпреварот со Холандија го играме утре од 17:00 часот, додека еден ден подоцна ќе се соочиме со Чешка, Осминафиналните средби се играат во Бари, Италија.