Милевски: Горд сум на момците и начинот на кој го одиграа натпреварот

Од Тбилиси Јовица Симоноски

Репрезентацијата на Македонија иако денес не може да се каже дека одигра лошо, сепак забележа пораз од 2:0 на гостувањето кај Грузија во Тбилиси. Овој пораз значеше и дека Македонија ги губи шансите за првото место во групата кое ќе им припадне на Грузијците.

Селекторот Благоја Милевски на прес-конференцијата после натпреварот истакна дека е горд на репрезентативците.

„Честитам на грузија за прво место и пласман во бараж. Горд сум на момците и на начинот како го одиграа овој меч. За жал загубивме по наши грешки, а мислам дека заслуживме многу повеќе. Доминиравме 90 мин, создадовме многу шанси за гол. Не ги коментирам судиите ниту вар. Има повеќе причини за индивидуалните грешки, поготово психичката и физичката подготвеност. Често ни се случува иако грешките се составен дел од фудбалот.

Селекторот е задоволен и од помладите, за него тие покажале дека имаат потенцијалч.

Овие млади момци она што го покажаа во Лигата на нации, покажаа дка поседуваат квалитет и потенцијал. Треба сите заедно да им дадеме подршка на тие момци. Имавме се, освен голот и реализација и мора да работат самите играчи кои доаѓаат во селекцијата.

Секогаш тимот е на прво место и кога се победува и кога губи. Не издвојувам никој и во позитивна и негативна смисла. Сите сме заедно и можеме да бидеме само горди на прикажаното и на потенцијалот на момците кои се прв пат со нас и ни останува тој потенцијал да го надоградуваме“, изјави селекторот.

Последниот натпревар во Лигата на Нации Македонија го игра в понделник кога во Скопје ни гостува Бугарија во терминот од 20:45 часот.