Милан со два пенали до победа против Болоња 🎥

Милан во натпреварот од 20. коло во Серија А како гостин ја совлада Болоња со 2:1.

После поразот од Аталанта во првенството и од Интер во купот, Милан денес имаше императив од победа, но не им беше лесно на гостувањето во Болоња.

Гостите подобро го отворија натпреварот, напаѓаа, а во 26. минута стигнаа до водство. Леао избори пенал, ударот на Ибрахимовиќ го одбрани голманот на Болоња, но натрча Ребиќ и погоди.

Во 55. минута Милан доби нов пенал. Овој пат Кеси ја превзема одговорноста и погоди за 2:0.

На десетина минути пред крајот, Поли поранешниот играч на Милан намали на 2:1. Со оваа победа Милан останува лидер со 46 освоени бодови и има пет повеќе од градскиот ривал Интер кој вечерва игра против Беневенто.