Милан повторно ќе купува од Јувентус

Во последно време Милан често „пазари“ од големиот ривал Јувентус, а италијанските медиуми тврдат дека тој тренд може да продолжи.

Имено, „рососнерите“ се силно заинтересирани за играчот за врска на „бјанконерите“ Емре Чан, кој не е во плановите на Маурицио Сари.

Чан едвај да играше оваа сезона во Јувентус и воопшто не беше во составот за куп натпреварот против Удинезе во средата.

„Газета“ тврди дека тој е загрижен и побарал итен состанок со раководството на „старата дама“ затоа што не сака да остане без настап на Европското првенство бидејќи факт е дека мора да игра ако сака да добие повик.

Милан сака да ја искористи таквата ситуација бидејќи е во потрага по играч за врска и веќе стапил во контакт со Јувентус. „Росонерите“ го сакаат Германецот на позајмица со можност за откуп на крајот на сезоната.

#Milan, ipotesi #EmreCan in uscita dalla #Juventus.
Il tedesco scottato dalla panchina in #CoppaItalia: i rossoneri ci pensano.#SportMediaset https://t.co/GcHSyqhcQ0 pic.twitter.com/3McFDO0Zmr

— SportMediaset.it (@Sport_Mediaset) January 17, 2020